News
டொலருக்கு நிகரான ரூபாவின் பெறுமதி குறித்து இலங்கை மத்திய வங்கியின் அறிவிப்பு
![](https://asalfm.com/wp-content/uploads/2023/03/38-780x470.jpg)
அமெரிக்க டொலருக்கு நிகரான இலங்கை ரூபாவின் பெறுமதி தொடர்பில் இலங்கை மத்திய வங்கி அறிவிப்பொன்றை விடுத்துள்ளது.
அதன்படி அமெரிக்க டொலருக்கு நிகரான இலங்கை ரூபாவின் பெறுமதி இன்று (16.03.2023) மேலும் வீழ்ச்சியடைந்துள்ளதாக தெரிவிக்கப்பட்டுள்ளது.
இலங்கை மத்திய வங்கி வெளியிட்டுள்ள நாணய மாற்று வீதத்தின்படி, அமெரிக்க டொலரின் கொள்முதல் பெறுமதி இன்று 329.02 சதமாக பதிவாகியுள்ளது.
இதேவேளை டொலரொன்றின் விற்பனை பெறுமதி 346.33 சதமாக காணப்படுகிறது.
இந்த மாதத்தின் தொடக்கத்தில் இருந்து அமெரிக்க டொலர் மற்றும் ஏனைய முக்கிய வெளிநாட்டு நாணயங்களுக்கு எதிராக இலங்கை ரூபாவின் மதிப்பு உயர்ந்து வந்திருந்தது.
எனினும், கடந்த வெள்ளிக்கிழமை முதல் அமெரிக்க டொலருக்கு நிகரான இலங்கை ரூபாவின் மதிப்பு மீண்டும் வீழ்ச்சியை சந்தித்து வருகின்றமை குறிப்பிடத்தக்கது.