நேற்றுடன் ஒப்பிடும் போது இன்றையதினம்(28.07.2023) அமெரிக்க டொலருக்கு நிகரான இலங்கை ரூபாவின் பெறுமதி சற்று உயர்வடைந்துள்ளது.
இந்தநிலையில், இலங்கை மத்திய வங்கி வெளியிட்டுள்ள இன்றைய (28.07.2023) நாணய மாற்று விகிதங்களின்படி, அமெரிக்க டொலரின் விற்பனை விலை 335.65 ரூபாவாகவும், கொள்வனவு விலை 322.66 ரூபாவாகவும் பதிவாகியுள்ளது.
மேலும், கனேடிய டொலரின் விற்பனை விலை 255.02 ரூபாவாகவும், கொள்வனவு விலை 242.59 ரூபாவாகவும் பதிவாகியுள்ளது.
இதன்படி, யூரோ ஒன்றின் விற்பனை பெறுமதி 370.26 ரூபாவாகவும், கொள்வனவு பெறுமதி 353.41 ரூபாவாகவும் பதிவாகியுள்ளது.
அதேசமயம், ஸ்டெர்லிங் பவுண்டின் இன்றைய விற்பனை பெறுமதி 430.87 ரூபாவாகவும், கொள்வனவு பெறுமதி 412.46 ரூபாவாகவும் பதிவாகியுள்ளது.
மேலும், இன்றையதினம் பல வெளிநாட்டு நாணயங்களுக்கு எதிராக ரூபாவின் பெறுமதியில் சிறு உயர்வு ஏற்பட்டுள்ளமை குறிப்பிடத்தக்கது.
