காப்புறுதி செய்யப்படாமலுள்ள 28 அரச வாகனங்கள்
![](https://asalfm.com/wp-content/uploads/2023/03/36-780x470.jpg)
அதிபர் அலுவலகத்திற்குச் சொந்தமான 28 வாகனங்கள் காப்புறுதி செய்யப்படவில்லை என அண்மைய கணக்காய்வு அறிக்கையில் தெரிவிக்கப்பட்டுள்ளது.
அதன்படி, அந்த வாகனங்களில் 13 வாகனங்கள் அதியுயர் பாதுகாப்பு வாகனங்கள் எனவும், அவற்றுள் ஒரு வாகனத்தின் பெறுமதி 25 முதல் 30 கோடி ரூபா மதிப்புள்ளது எனவும் அந்த அறிக்கையில் குறிப்பிடப்பட்டுள்ளது.
அந்த அறிக்கையின் பிரகாரம், உயர் பாதுகாப்பு வாகனங்களின் அதிக பெறுமதி காரணமாக, காப்புறுதிக்கென ஒவ்வொரு வாகனத்திற்கும் ஆண்டுக்கு இரண்டு கோடி ரூபாய் வரை செலுத்த வேண்டும்.
இந்த அதிகரித்த செலவு காரணமாகவே இந்த காப்புறுதி செய்யப்படவில்லை என கணக்காய்வாளர் நாயகத்திற்கு அறிவிக்கப்பட்டுள்ளது.
நாட்டில் தற்போது நடைமுறையிலுள்ள சட்டங்கள் பின்பற்றப்படாவிடின் தேவைகளை பூர்த்தி செய்யும் பொருட்டு மாற்றுக் கொள்கை தீர்மானங்களை அறிமுகப்படுத்த வேண்டும் எனவும், இருப்பினும் அது நிறைவேற்றப்படவில்லை எனவும் அந்த அறிக்கையில் சுட்டிக்காட்டப்பட்டுள்ளது.