கடந்த சில நாட்களாக குறைவடைந்திருந்த முட்டையின் விலை தற்போது மீண்டும் அதிகரித்துள்ளதாக சந்தைத் தகவல்கள் தெரிவித்துள்ளன.
பண்டிகை காலத்தினை முன்னிட்டே முட்டையின் விலை மீண்டும் அதிகரிக்கப்பட்டுள்ளதாக சந்தை நிலவரங்கள் அறிவித்துள்ளன.
அதன்படி, லங்கா சதொச முட்டையொன்றின் விலையை 42 ரூபாவில் இருந்து 36 ரூபாவாக குறைக்க நடவடிக்கை எடுத்திருந்தது.
ஆனால், அண்மைய நாட்களில் 40, 45 ரூபாவாக குறைக்கப்பட்ட உள்ளுர் முட்டையின் விலை புத்தாண்டின் போது 50 முதல் 60 ரூபா வரை அதிகரித்துள்ளதாக வர்த்தகர்கள் தெரிவித்துள்ளனர்.
இந்நிலையில் கடந்த காலங்களில் 38 ரூபாவாக காணப்பட்ட முட்டையின் விலை தற்போது 55 ரூபாவாக அதிகரிக்கப்பட்டுள்ளதாக தெரிவிக்கப்பட்டுள்ளது.
அத்துடன், உள்நாட்டில் முட்டைகளுக்கு தட்டுப்பாடு நிலவும் பட்சத்தில் முட்டைகளை இறக்குமதி செய்வதற்கும் தீர்மானித்துள்ளதாக வர்த்தக அமைச்சர் நளின் பெர்னாண்டோ தெரிவித்துள்ளார்.
பண்டிகை காலங்களில், கேக் உள்ளிட்ட உணவு பொருட்களின் உற்பத்திக்காக அதிகளவில் முட்டைகள் பயன்படுத்தப்பட்டமையினாலேயே முட்டையின் விலை அதிகரித்துள்ளதாகவும் கூறப்பட்டுள்ளமை குறிப்பிடத்தக்கது.
