டொனால்ட் ட்ரம்ப் (Donald Trump) விதித்த வரிகளில் பெரும்பாலானவை சட்டத்திற்கு முரணானது என்பதால் செல்லாது என்று அமெரிக்க மேன்முறையீட்டு நீதிமன்றம் தீர்ப்பளித்துள்ளது.
அவசரக்கால பொருளாதார அதிகாரச் சட்டத்தின் கீழ், இந்த வரிகள் அனுமதிக்கப்பட்டன என்ற டிரம்பின் வாதத்தை அமெரிக்கப் பிராந்திய மேன்முறையீட்டு நீதிமன்றம் நிராகரித்துள்ளது.
எனினும் இந்த தீர்ப்புக்கு ட்ரம்ப் நிர்வாகம் உயர் நீதிமன்றத்தில் சவால் செய்ய முடியும் என்பதற்கு, அவகாசம் அளிக்கும் வகையில் இந்த தீர்ப்பு அக்டோபர் 14 வரை நடைமுறைக்கு வராது என்றும் மேன்முறையீட்டு நீதிமன்றம் அறிவித்துள்ளது.
இந்த நிலையில், தீர்ப்பு நடைமுறைக்கு வந்திருந்தால் அதன் முடிவு உண்மையில் அமெரிக்காவை அழித்துவிடும் என்று, அமெரிக்க ஜனாதிபதி ட்ரம்ப் விமர்சித்துள்ளார்.
தமது ட்ரூத் சோஷியல் பதிவிலேயே நீதிமன்ற தீர்ப்பை இவ்வாறு விமர்சித்துள்ளார்.
மேன்முறையீட்டு நீதிமன்றம், இந்த வரிகள் நீக்கப்பட வேண்டும் என்று தவறாகக் கூறியது, ஆனால் இறுதியில் அமெரிக்கா வெற்றி பெறும் என்பது அவர்களுக்குத் தெரியும் என்றும் ட்ரம்ப் தமது பதிவில் குறிப்பிட்டுள்ளார்.
