இறக்குமதி செய்யப்படும் 400 கிராம் பால் மா பொதியொன்றின் விலை 50 ரூபாவால் அதிகரிக்கப்படும் என தகவல் வெளியாகி உள்ளது.
ஏப்ரல் மாதம் முதலாம் திகதிக்குள் விலையை 4.7 சதவீதம் அதிகரிக்க முடிவு செய்துள்ளதாகவும் தெரிவிக்கப்பட்டுள்ளது.
குறித்த விடயத்தை பால் மா இறக்குமதியாளர்கள் சங்கம் அறிவித்துள்ளது.
இதேவேளை, லங்கா சதொச நிறுவனம் (Lanka Sathosa) சில அத்தியாவசிய நுகர்வோர் பொருட்களின் விலைகளைக் குறைத்துள்ளது. அதன்படி, 1 கிலோகிராம் சிவப்பு சீனி 8 ரூபாவால் குறைக்கப்பட்டுள்ளதுடன் அதன் புதிய விலையாக 277 ரூபாவாக அறிவிக்கப்பட்டுள்ளது.
மேலும், 1 கிலோகிராம் சிவப்பு பருப்பு 4 ரூபாவால் குறைக்கப்பட்டுள்ளதுடன் அதன் புதிய விலை 279 ரூபாவாகவும் 1 கிலோகிராம் கோதுமை மாவு 2 ரூபாவால் குறைக்கப்பட்டுள்ளதுடன் அதன் புதிய விலை 162 ரூபாவுக்கு விற்பனையாகிறது.
அதுபோல், 425 கிராம் டின் மீன் 10 ரூபாவால் குறைக்கப்பட்டுள்ளதுடன் அதன் புதிய விலை 490 ரூபாவாகும்.
1 கிலோ உருளைக்கிழங்கு 13 ரூபாவால் குறைக்கப்பட்டுள்ளதுடன் அதன் புதிய விலை 185 ரூபாவாகவும் 1 கிலோ வெள்ளை பட்டாணி 45 ரூபாவால் குறைக்கப்பட்டு 750 ரூபாவுக்கும் விற்பனையாகிறது.
மேலும், 1 கிலோகிராம் பெரிய வெங்காயம் 25 ரூபாவால் குறைக்கப்பட்டுள்ளதுடன், அதன் புதிய விலை 160 ரூபாகவும், 1 கிலோகிராம் வெள்ளைப்பூடு 20ரூபாவால் குறைக்கப்பட்டுள்ளதுடன் அதன் புதிய விலை 575 ரூபாவாக விற்பனையாகிறது.
