அரசுக்குச் சொந்தமான வணிக சாரா நிறுவனங்களை சீர்திருத்துவது குறித்து ஆராய்ந்த அமைச்சரவையால் நியமிக்கப்பட்ட குழு, சில அரசு நிறுவனங்களை மூடுதல், பல நிறுவனங்களுடன் அரச தலையீட்டை முடிவுக்குக் கொண்டுவருதல் மற்றும் சிலவற்றை இணைப்பது உள்ளிட்ட மறுசீரமைப்பு நடவடிக்கைகளை பரிந்துரைத்துள்ளது.
ஆறு அமைச்சகங்களின் கீழ் வரும், இலங்கை மகாவலி ஆணையகம் மற்றும் முந்திரி கூட்டுத்தாபனம் உட்பட்ட 12 வணிக சாரா அரச நிறுவனங்களை கலைப்பதற்கு குழுவால் பரிந்துரைக்கப்பட்டுள்ளது.
காலி பாரம்பரிய அறக்கட்டளை, தேசிய பெருங்கடல் விவகாரக் குழு செயலகம் மற்றும் தகவல் மற்றும் தொடர்பு தொழில்நுட்ப நிறுவனம் ஆகியவையும் கலைப்புக்கு பரிந்துரைக்கப்பட்டுள்ளன.
இலங்கை ஒலிபரப்புக் கூட்டுத்தாபனம், ரூபவாஹினி கூட்டுத்தாபனம் மற்றும் சுயாதீன தொலைக்காட்சி வலையமைப்பு ஆகிய மூன்று அரசுக்குச் சொந்தமான ஊடக நிறுவனங்களை, செயல்திறனை மேம்படுத்தவும் வணிக ரீதியாக சாத்தியமானதாகவும் மாற்ற, ஒரே நிர்வாகத்தின் கீழ் செயற்படுத்த வேண்டும் என்றும் குழு பரிந்துரைத்துள்ளது.
இந்த ஊடக நிறுவனங்களின் செயற்பாட்டுக்கு குறிப்பிடத்தக்க முதலீடு தேவை என்றும், எனவே ஒற்றை மேலாண்மை அவசியம் என்றும்; குழு கூறியுள்ளது.
இலங்கை தேயிலை சபை மற்றும் தேயிலை சிறுதொழில் மேம்பாட்டு ஆணையகம், தெங்கு சபை,தென்னை மேம்பாட்டு ஆணையகம் மற்றும் பனை மேம்பாட்டு சபை ஆகியவை இணைகுழு பரிந்துரைப்புக்கு பரிந்துரைக்கப்பட்டுள்ளன.
மறுவாழ்வு ஆணையர் நாயகம் அலுவலகம், புகையிலை மற்றும் மதுபானம் தொடர்பான தேசிய ஆணையகம் மற்றும் தேசிய ஆபத்தான மருந்துகள் கட்டுப்பாட்டு சபை; ஆகியவற்றை இணைக்கவும் குழு பரிந்துரைத்தது.
சேர் ஜோன் கொத்தலாவால மருத்துவமனையைப் பொறுத்தவரை, அந்த நிறுவனம் எந்த இலாபத்தையும் ஈட்டவில்லை என்பதால் திறைசேரிக்கு ஒரு சுமையாக மாறியுள்ளது.
எனவே, அதை நிதி ரீதியாக சாத்தியமான நிறுவனமாக மாற்றுவது எப்படி என்பதை ஆய்வு செய்ய ஒரு குழுவை நியமிக்க வேண்டும் என்றும் குழு பரிந்துரைக்கிறது.
இலங்கை பத்திரிகை சபையை பொறுத்தவரை, அதன் வரம்பை விரிவுபடுத்துவதற்காக ஸ்ரீ லேக் மீடியா சபை என்ற பெயரில் மாற்றத்துடன் அதைத் தொடர குழு பரிந்துரைத்துள்ளது.
பல்வேறு அரசு நிறுவனங்களுக்குச் சொந்தமான பெரிய அளவிலான நிலங்கள் பயனற்ற நிலையில் இருப்பதையும் குழு குறிப்பிட்டது, மேலும் பொதுமக்களின் நலனுக்காக இவற்றை நிர்வகிக்க நடவடிக்கை எடுக்க வேண்டும் என்றும் அது பரிந்துரைத்துள்ளது.
இந்தநிலையில் பிரதமரின் செயலாளர் தலைமையிலான அரசாங்க சீர்திருத்தக் குழு, 24 அமைச்சகங்களின் கீழ் வரும் 160 நிறுவனங்களை மதிப்பாய்வு செய்துள்ளது.
