போத்தலில் அடைக்கப்பட்ட குடிநீருக்கான அதிகபட்ச சில்லறை விலையை நிர்ணயித்து வர்த்தமானி அறிவித்தல் வெளியாகியுள்ளது.
குறித்த விலை ஏப்ரல் 1 ஆம் திகதி முதல் நடைமுறைக்கு வரும் வகையில் நுகர்வோர் விவகார அதிகாரசபை (CAA) வர்த்தமானி அறிவிப்பை வெளியிட்டுள்ளது.
அதன்படி, 500 மில்லி லீற்றர் தொடக்கம் 999 மில்லி லீற்றர் வரையான குடிநீர் போத்தலின் விலை 70 ரூபா என நிர்ணயிக்கப்பட்டுள்ளது.
அத்துடன் 1 லீற்றர் தொடக்கம் 1.499 லீற்றர் வரையான குடிநீர் போத்தல் 100 ரூபா எனவும் விலை நிர்ணயிக்கப்பட்டுள்ளது.
மேலும் 1.5 லீற்றர் தொடக்கம் 1.999 லீற்றர் வரையான குடிநீர் போத்தலின் விலை 130 ரூபா எனவும் குறிப்பிடப்பட்டுள்ளது.
2 லீற்றர் தொடக்கம் 2.499 லீற்றர் வரையான குடிநீர் போத்தலின் விலை 160 ரூபா எனவும் நிர்ணயம் செய்யப்பட்டுள்ளது.
இந்த நிலையில் 5 லீற்றர் தொடக்கம் 6.999 லீற்றர் வரையான குடிநீர் போத்தலின் விலை 350 ரூபா எனவும் நிர்ணயிக்கப்பட்டுள்ளமை குறிப்பிடத்தக்கது.
